Nieuwsberichten
Minister di Hustisia a introdusí kodigo di komportashon ‘Regla ta Regla’
01-02-2017

Minister di Hustisia a introdusí  kodigo di komportashon ‘Regla ta Regla’

Siman pasá na The Triangle na Hoogstraat,  Minister di Hustisia Ornelio “Kid” Martina a introdusi kódigo di komportashon (gedragscode) “Regla ta regla” na hefe di e diferente kuerponan ku ta kai bou di Ministerio di Hustisia: Kuerpo Polisial, Landsrecherche, Interpol, Kustwacht i Opleidingsinstituut & Veiligheidszorg (ORV).
E kódigo di komportashon ta un medio pa yuda duna guia den situashonnan delikado. Algun luna pasá, dia 28 di sèptèmber 2016, hefenan di Kuerpo Polisial Kòrsou, Landsrecherche Curaçao, Interpol, Kustwacht, ORV huntu ku representante di ABVO, NAPB i SAP a firma e kódigo di komportashon pa e kuerponan menshoná. For ougùstùs 2015 un grupo di trabou ku ta konsistí di representante di bòntnan ABVO, NAPB i SAP, representante di Ministerio Públiko, representante di maneho Direktorado di Hustisia, un kriminólogo/ eksperto investigadó (gecertificeerd fraude examinator) i representante di e kuerponan menshoná, ta reuní pa yega na un kódigo di komportashon. Riba potret por mira Minister di Hustisia huntu ku e miembronan di e komishon.

 


  • 01-03-2017: Direktor di ORV a reuni ku trahadónan >>>
  • 03-05-2013: Minister di Hustisia a klousurá kurso ‘Train the Trainers’ Integridat pa miembronan d >>>
  • Developed with QwikZite (version 1.12)